Leiðbeiningar fyrir mínar síður

Á mínum síðum getur þú stjórnað áskriftum þínum, breytt greiðsluupplýsingum og séð sögu pantana. Fylgdu leiðbeiningunum hér að neðan til að fá sem mest út úr áskriftinni þinni.

InnSkráning

Hvernig skrái ég mig inn?

Til að skrá þig inn á Mínar síður skaltu smella á hnappinn „Stjórna áskrift“ og slá þar inn netfangið þitt. Mikilvægt er að nota það netfang sem skráð er á áskriftina þína.

Við sendum þér tölvupóst með innskráningarhlekk sem fer með þig beint inn á mínar síður. Hlekkurinn gildir í 12 klukkustundir.

Umsjón

Yfirlit yfir áskriftir

Þegar þú kemur inn á mínar síður færðu yfirlit yfir næstu afhendingu. Undir „Stjórna áskrift“ sérðu allar áskriftirnar þínar. Ef þú smellir á áskriftarvöru geturðu auðveldlega breytt afhendingardegi, sleppt næstu afhendingu, stillt tíðni eða skipt um vöru.

Umsjón

Færa næstu afhendingu

Þú getur auðveldlega breytt næsta afhendingardegi með því að smella á „Færa afhendingu“ og annaðhvort frestað sendingunni eða valið nýja dagsetningu sem hentar þér best.

Umsjón

Breyta um vöru

Ef þú vilt breyta um vöru, smellirðu á „Breyta áskrift“ og velur síðan „Breyta um vöru“. Þar geturðu smellt á „Leita að vörum“ og séð allar vörur sem við bjóðum upp á. Veldu síðan vöruna sem þú vilt skipta yfir í og við uppfærum áskriftina þína sjálfkrafa.

Umsjón

Breyta tíðni

Ef þú vilt breyta tíðni áskriftarinnar - það er hversu oft þú færð sendingar þá geturðu gert það með því að velja „Breyta áskrift“ í yfirlitinu og stillt tíðnina eins og hentar þér best. Þú getur valið að fá pakkann á 4, 5, 6, 7 eða 8 vikna fresti.

Umsjón

Breyta afhendingarleið

Ef þú vilt breyta afhendingarleið - hvort sem það er að uppfæra dropp afhendingarstað eða velja heimsendingu þá ferðu í „Heimilisfang og greiðsluupplýsingar“ og smellir á „Breyta dropp afhendingu“. Þar getur þú valið heimsendingu eða nýjan afhendingarstað.

Umsjón

Sleppa næstu afhendingu

Smelltu á „Sleppa“ efst í yfirlitinu til að sleppa næstu sendingu. Hentar vel ef þú ert með nægar birgðir.

Umsjón

Stöðva áskrift

Til að setja áskrift í pásu eða hætta þá getur þú valið "uppfæra" og neðst niðri er hægt að velja "stöðva áskrift".

Algengar spurningar

Sendu okkur spurningu á venja@venja.is

Þú getur fylgst með pöntuninni þinni með því að nota rakningarnúmerið sem þú fékkst í staðfestingartölvupóstinum.

Þú hefur 14 daga frá móttöku vörunnar til að hætta við kaupin, svo lengi sem varan er óopnuð og í upprunalegum umbúðum.

Því miður er ekki hægt að taka við vörum sem hafa verið opnaðar, þar sem um bætiefni er að ræða.

Ef þú vilt skila vöru, sendu okkur línu á venja@venja.is og við leiðbeinum þér áfram.

Vörum er almennt skilað í gegnum vöruskilasíðu Dropp.

Sendingarkostnaður endurgreiðist ekki og kaupandi greiðir fyrir sendingu við skil.

Við afgreiðum allar pantanir sem berast fyrir hádegi alla virka daga, þannig að pakkinn þinn fer fljótt af stað! Pantanir sem berast um helgi eru afgreiddar á mánudegi. Dropp sendir þér svo nánari upplýsingar og rakningarnúmer þegar pakkinn er kominn til þeirra.

Líkami kvenna er mun flóknari en líkami karla og þarfirnar því gjörólíkar. Hormónastarfsemin kvenna er sífellt á hreyfingu og í takt tekur næringarþörf þeirra miklum breytingum. Því fannst okkur sú nálgun um að konur ættu að taka sömu vítamíntöfluna út ævina ekki eiga við.

Því þróuðum við bætiefnin okkar út frá þörfum kvenna á ólíkum lífsskeiðum og bjóðum konum í fyrsta sinn að nálgast bætiefni sem eru þróuð frá grunni fyrir þarfir þeirra.

Bætiefnin okkar eru framleidd fyrir okkur í Hollandi undir ströngustu gæðastöðlum og er þeim pakkað hér á Íslandi.

Þau innihalda engin erfðabreytt innihaldsefni, laus við algenga ofnæmisvalda eins og glúten og framleidd undir Clean Label staðli sem þýðir að aukefni eru í algjöru lágmarki.

Kassinn utan um dagpakkana flokkast með pappa og dagpakkarnir með plasti. 

Við myndum helst vilja sleppa plastinu, en eins og staðan er í dag eru ekki til umbúðir sem bæði vernda bætiefnin fyrir raka og ljósi og eru raunverulega umhverfisvænni. Margir kostir sem líta út fyrir að vera „pappír“ eru í raun plastblandaðir og því mun erfiðari að endurvinna.

Þangað til betri lausn finnst er plastið því ábyrgarasti kosturinn — en við fylgjumst stöðugt með þróun í þessum efnum og erum tilbúin að skipta um leið og betri lausn kemur fram. Ef þú þekkir til slíkra valkosta, þá erum við þakklát fyrir ábendingar á venja@venja.is.

Þú getur breytt áskriftinni hvenær sem er — til dæmis skipt yfir í annan pakka sem hentar þér betur. Það gerist einfaldlega inni á áskriftarsíðunni þinni, þar sem þú getur valið nýjan pakka, breytt sendingardögum eða frestað næstu sendingu.

Ef þú þarft aðstoð við breytinguna geturðu alltaf sent okkur línu á venja@venja.is og við sjáum um það með þér.